Üse digitale Pauseplatz
No nöd ganz Sicher um was es goht?
Hä? Wie chumm i da überhaupt ine?
Ganz unkompliziert: Klick einfach uf “Zettel usfülle”. Noch ere churzä, strengä Kontrolle dur de Abwart chunsch es Mail über. Geduld isch e Tugend – de Abwart hockt nöd dä ganz Tag vor dä Chischtä, dä prüeft alles eigenhändig, wenn er Bock hät.
Dörf ich überhaupt mitmache?
Nur, wenn du dozmol würkli debii gsi bisch. Do treffed sich alli mitem Johrgang 1979 (+-), wo us Trogä, Wald oder Rechtobel chömed und do z’Trogä i d’Schule gangä sind.
Was bringt mer das eigentlich?
Stell dir s’Ganze wie üseren altä Pauseplatz vor – nu digital und komplett ohni diä läschtigä Pauseufsicht, wo dir d’Zigi wegnemed. Du chasch i altä Klassäfotenä stöberä, im Forum di beschtä Gschichtli vo do ausgrabä oder dich ustuschä. Du verpassisch keis offiziells Treffä me – und no besser: Wenn’d sponti Luscht uf es Fiirobigbier hesch, chasch du jederziit unkompliziert selber en Alass im Kalender erstellä.
Gseht das dänn jede?
Nö! Was ufem Pausäplatz passiert, bliibt gfälligscht ufem Pausäplatz. Üsi Siite isch komplett privat. Alli Biiträg, Galeriä und Profil sind nu für iigloggti Mitglieder unseres Jahrgangs sichtbar. Externe Besucher gsehnd nume die Startseite. Dateschutz isch üs wichtiger als Chääs!